शिक्षा ही एक विकल्प है समाज प्रगति के लिए…..

मैं बडैरों ने केवता सुणीया था के…… 
भणीया पडीयोड़ा रे चार आंखीयों होवे
जद मने पढ़ाई रो महत्व ध्यान मे आयो
ले पाटी पेण पेमजी मारसा री स्कूलगयो
डंडा पड़ीया हाथ पर अण गिणत
दो आंगळीयो रे बीच पाटी री पेण घाल
जद जोर सू दबाई आंगळीयो मास्टर जी
नानी माने उण वक्त याद आई
दिन रा आकाश में तारा दिखीया
पढ़ाई देशी गजब सिखाई थी
हूट्टा ढन्सा रुपया आठ्ठनी चव्वनी आना पाई
रो सुक्ष्म महत्व दियो समजाई
दंडवत प्रणाम करु उण गुरुजी ने
मारा जेड़ा पशु ने दियो मिनक बणाई
जद आ बात समझ में आई
भणीया पढ़ीया ने चार आंखीयों होवेसा
कूटमार ने ज्ञान री घुट्टी गणी पिलाई थी
मार मार ने इतो मारयो के
अबार वर्तमान का जमाना में
कविता लेख मारा गूगल तक दिना पुगाई
अबै वे मारसा माने याद गणा आवै सा
कोटि कोटि करु प्रणाम उण गुरुजी ने
माने जीणी जीणी अक्कल सिखाई जी
अबै तो दो आंखीयों सू काम
प्रति दिन काम चला रिया हो सा
उण जमाना री देशी पढ़ाई
अबै इण जमाना में काम आई सा
कवि लेखक बण गूगल पर
वर्तमान रा जमाने में हाजरी लगाई सा
गुरुर ब्रह्मा गुरु विष्णु गुरु महेश्वरा
गुरुर क्षासात् पर ब्रह्म
तस्मै गुरवै नम :
तस्मै गुरु चरणम् गच्छामि……
शिक्षा ही एक विकल्प है समाज प्रगति का 

राम राम सा
जय श्री विश्वकर्मा जी की
लेखक दलीचंद जांगिड सातारा महा.