छेल भंवर मारो
डर गियो फागण महिना में…
🟣🟢🔵🟠🔴🔵🟡🟢🟣

छेल भंवर मारा जपने रेईजे रे…
ओ महिनों फागण रो….
हा हा ओ महिनों फागण रो..
साथीड़ों रे साथ भले जाईजे रे…
पर उलटी लाईन मत पकड़ जे रे..
दारु भोंग डोडा सू थू दूर रेहिजे रे..
थू देख दोस्तों रा नखरा ने पागल होईग्यो रे
पागल सी कर बातों ने मारी चिंता बढा दी रे..
ओ महिनों फागण रो..
अळी गळी में डर गियो वे तो
मादळीयो मंत्राऊं रे………

उतारणा री खेजड़ी रे नीचे ती निकळीयो वे तो
बालम थारे जाड़ों जप्पटो नोकाऊं रे
डाकणीयों रे पंजा ती थने छुड़ाऊं रे..
ओ महिनों मोटको फागण रो
भोंग घणी पीदी वे तो छेल भंवर मारा
थाने खाटी छाछ पिलाऊं रे…….
ओ महिनों फागण रो….
हा हा छेल छबीला मारा जपने रेईजे रे.
ओ महिनों फागण रो……

इण महिना में बिगाड़ा वाळा गंहणा थाने मिलेला रे
इण सब सू दूर रेहिजे रे……
ओ महिनों फागण रो
अळी गळी में टाबरो री ढूंड करवा जावे तो
भोंग रा भजीया मत खाईजे रे
छेल भंवर मारा जपने रेईजे रे
ओ महिनों फागण रो…..

डांडिया री गेर खेलतो खेलतो
भर भर लौटा ने भांग मत पी जे रे
कपाळे चढ गई तो फासी तीन दिन नहीं उतरे रे
दोस्तों री कर संगत पागल मत होईजे रे
मत कर कालो नशो रे….
ओ महिनों फागण रो….
हा हा ओ महिनों फागण रो….
🤺🤺🤺🤺🤺🤺🤺🤺🤺
======================

जय श्री विश्वकर्मा जी री सा
दलीचंद जांगिड सातारा महाराष्ट्र