श्री विश्वकर्मा मंदीर जवाली
___________

उतर दैखीयो, दखण दैखीयो
देश दैखीयो, प्रदेश दैखीयो
दैखीयो सारो हिंदुस्तान
ईण मंदीर जिसो मंदीर कठे
जाँगिड़ सुथारो री आस्था अठे
विश्वकर्मा जी रो धाम अठे

आ देव भूमी है अठे
देवता रोज रोज रमे है अठे
देवो रा देव महादेव बिराजे अठे
सगला देव भेला बैठ नियोजन करे
धरती रा प्राणीयो रो कल्याण
करे अठ्ठा सू

जवाली मे है विश्वकर्मा जी धाम
गौडवाड़ सुथार समाज री आस्था अठे
लोक, लुगाईयों, टाबर, सगला
हाथ जोड़ उभा अर्ज करे
सगला ने सुखी राकजो
धन धान्य सू भरजो सगला रा भण्डार
अठे विश्वकर्मा जी री जंयती
होवे बड़ी धूमधाम सू

लोक कलाकार अजब नजारो दिखावे है
भजनी एक सू बढकर एक
गणा कोड सू विश्वकर्मा जी रा भजन सुणावे
विश्वकर्मा जी रे आगे नाच रचावे
कर कर ऊंचा रुमाल, अगोचा
एक दूजा रे साथे होड लगावे
ईण मंदीर जिसो मंदीर कठे
जाँगिड़ सुथारो री आस्था अठे
कार्य समिती रो चुणाव होवे अठे
ईण बर्ष मे नवा अध्यक्ष सुणीया
चम्पालालजी लूंजा जी ने

गौडवाड़ समाज रा प्रथम नागरिक बणाया
साफा पचरंगी बांध ने समाज रा लोग
फूल माला पेराय स्वागत करीयो
गुलाल गणी उड़ाई है
ईण दो बर्षो मे छत्र छाया राकजो
विकास रो मार्ग सुलभ दिखायजो
गणी आस थाणा सू लियो बैठो हो
ओ गौडवाड़ सुथार समाज सारो
करोला थे मेनत गणी
आवेला विकास री भरमार

शिक्षा ऊपर समाज रो ध्यान बढाईजो
छात्रावास री बात चलाईजो
भामाशाह री लिस्ट बणाईजो
जिद्द थे मन मे पक्की राकजो
समाज थारे साथ रेवेला
कुरितीयो ने तिलांजली दिखाईजो
रुड़ी रिवाजो मे सुधार लाईजो
अमली पदार्थो उपर बंदी लगाईजो

गणा कपड़ो री लेण देण ऊपर बंदी लगाईजो
ईण रा बदला मे नगदी
लिफाफे रो रिवाज लाईजो
गणा बर्ष तक थाने याद करेला
ओ गौडवाड़ रो समाज सारो
हाथ जोड़कर विणती करे
ओ सेवक दलीचंद ऊमराणिया
सगला ने सुखी राकजो

मारा श्री श्री विश्वकर्मा भगवान
सगला मिलकर बोलो
प्रेम सू बोलो
जोर सू बोलो
बोलो विश्वकर्मा भगवान री जय हो…………
**********

जय श्री विश्वकर्मा जी री सा
✍️ लेखक/कवि:-दलीचंद-जांगिड़ सातारा महाराष्ट्र
पैत्रिक गांव
खौड जिला पाली राजस्थान
मो:- 9421215933

यह पढ़ें कवि दलीचंद जांगिड सातारा वालों की कलम से: माँ प्रथम गुरु है मेरी